كــويــــت يــآ جـــنــة المــــشـــتــاق !
3:01 م | 
مرسلة بواسطة
مـــلاكه
اليوم احساسي بالوطنية توب
طلعت الصبح مع خالي حسيت بحلات الجو حسيت براحة نفسية
قعدنا نتمشي وانا افكر بالكويت !
الكويت اللي كلنا نحبها
بحرها ببردها .. بصيفها بشتاها .. بغبارها برطوبتها ..
مهما تذمرنا ومهما تحلطمنا يظل حبها متربع بقلوبنا
مهما تذمرنا ومهما تحلطمنا يظل حبها متربع بقلوبنا
انت .. تقدر تنكر هالشي ؟ وانتي تقدرين تنكرين ؟؟!
ان احنا نحب هالديرة ان احنا نعشقها
ان احنا نحب هالديرة ان احنا نعشقها
تصوروا شنو الشي اللي ونسني وخلاني انزل هالبوست !
واحنا رادين للبيت دقيت ع خيوو فيصل وكان حاط ع المرينا اف ام
جان اسمع لحن اغنية اعرفها .. طبول بعدين سمعت [ دار السعد والعز والطيب يا كويت ] قلت فيصل بليز خيوو عل ع الراديو وعشت مع اجواء هالاغنية اللي الكبار قبل الصغار تعلقوا فيها .. وانا اسمعها جان يقوولي فيصل عن المطر بالكويت وزاد المطر هالشي ونسني زيادة ( احب المطر ) !
الكل يدري ان الفترة الي راحت كثرت الفتن بديرتنا وزادت 
انتشرت المشاكل .. انتشرت الطائفية !
انتشرت المشاكل .. انتشرت الطائفية !
بس هم الكل يدري ان شعب الكويت قلوبهم على بعضها
ويبان الترابط في المحن .. كل واحد يحاتي الثاني وكل واحد قلبه على قلب الثاني
ويبان الترابط في المحن .. كل واحد يحاتي الثاني وكل واحد قلبه على قلب الثاني
احنا كلنا عايلة .. عايلة كبيرة يجمعنا شي واحد اسمه [ الكــــويت ]
الله يحفظج يا ديرتي من كل شر ويبعد عنج شر الحساد
.
.
.
اطلبي الغالي يا كويت يرخص لج
كويتنا حره وبالروح نفديها
كويتنا حره وبالروح نفديها
الاشتراك في:
تعليقات الرسالة (Atom)
About Me
- مـــلاكه
- قلبه, Kuwait
- أنا كويتية حتى النخاع و انسانة عاطفية جدا ورومانسية أعيش بعالم خيال و أحلام دلووووووووعة لأبعد حدود ولا أخاف أن أجرب واستكشف الحياة وأحب أن يكون عندي مغامرات وتجارب تكسبني خبرات في الحياة .
0 التعليقات:
إرسال تعليق